ആശങ്കകളിൽ മുങ്ങിത്താഴുന്ന ക്രൈസ്തവസഭാംഗങ്ങൾ //
George Kuttikattu
"നമ്മെ ബാധിക്കുന്ന പാപത്തിന്റെ കഥയായി അംഗീകരിക്കുക" :
മ്യൂണിക്ക് കർദ്ദിനാൾ മാർക്സ് നൽകിയ രാജിക്കത്തിന് മാർപാപ്പ നൽകിയ മറുപടി.
 |
| George Kuttikattu |
ഫ്രാൻസിസ് മാർപാപ്പ ജർമ്മനിയിലെ മ്യൂണിക്ക് രൂപതയുടെ കർദ്ദിനാൾ റൈൻഹാർഡ് മാർക്സിന്റെ രാജിക്കത്ത് നിരസിച്ചത് വീണ്ടും ചർച്ചയായി. കർദ്ദിനാൾ റൈൻഹാർഡ് മാർക്സ് സഭയുടെ ഒരു അന്തിമ ഘട്ടത്തെക്കുറിച്ചു ഫ്രാൻസിസ് മാർപാപ്പയുമായി നേരിട്ട് സംസാരിക്കുകയും അതിനൊപ്പം തന്റെ രാജിവാഗ്ദാനം ചെയ്യുകയും ചെയ്തു. മ്യൂണിക്ക്- ഫ്രീസിംഗ് രൂപതകളുടെ ആർച്ചുബിഷപ്പ് പദവിയിൽത്തന്നെ തുടരാൻ ഫ്രാൻസിസ് മാർപാപ്പ ആഗ്രഹിച്ചതിന്റെ കാരണം എന്താണെന്ന് വാർത്താ മാദ്ധ്യമങ്ങൾ പുറത്തു വിട്ടിരുന്നു. വാർത്തകൾ ചൂണ്ടിക്കാണിക്കുന്നതിങ്ങനെയാണ്. മ്യൂണിക് കർദ്ദിനാൾ മാർക്സ് മറ്റുള്ളവർക്കുവേണ്ടിയും പ്രതിസന്ധിയുടെ ഉത്തരവാദിത്ത്വം പങ്കിടാൻ ആഗ്ര ഹിക്കുന്നു. "ലൈംഗിക ചൂഷണത്തിന്റെ ദുരന്തം"- അതിനാലാണ് ഫ്രാൻസിസ് മാർ പാപ്പയ്ക്ക് രാജി വാഗ്ദാനം ചെയ്തത്. എന്നിരുന്നാലും കത്തോലിക്കാ സഭയുടെ തലവൻ കരുതുന്നത് ഇങ്ങനെ ആണ്. "മ്യൂണിക്കിലെയും ഫ്രീസിംഗിലെയും ആർച്ചുബിഷപ്പായി ത്തന്നെ ചുമതലകൾ തന്റെ ഓഫീസിൽ ഏറ്റെടുക്കേണ്ടതാണ്". പരിശുദ്ധ പിതാവി ന്റെ മാർക്‌സിനുള്ള രാജി കത്തിനുള്ള മറുപടിയിൽ നിന്ന് അക്കാര്യം വ്യക്തമാണ്. സ്പാനിഷ് ഭാഷയിൽ എഴുതിയ ഒറിജിനൽ രേഖ വെബ്‌സൈറ്റിൽ ഒരു ജർമ്മൻ വിവർ ത്തനത്തിനൊപ്പം വത്തിക്കാൻ അത് പ്രസിദ്ധീകരിച്ചിരുന്നു. അതിപ്രകാരമാണ്:
പ്രിയ സഹോദരാ, എല്ലാറ്റിനുമുപരിയായി നിങ്ങളുടെ ധൈര്യത്തിന് നന്ദി. കുരിശിനെ ഭയപ്പെടാത്തതും പാപത്തിന്റെ ഭയാനകമായ യാഥാർത്ഥ്യത്തിനു മുന്നിൽ സ്വയം താഴ്ത്താൻ ഭയപ്പെടാത്തതുമായ ക്രിസ്തീയ ധൈര്യമാണിത്. കർത്താവും അങ്ങനെ തന്നെ ചെയ്തു. (ഫിലി 2 : 5-8 ). ഇത് കർത്താവ് നിങ്ങൾക്ക് നൽകിയ ഒരു കൃപയാണ്. അത് സ്വീകരിക്കാനും അതിന്റെ ഫലം നിങ്ങൾ ആഗ്രഹിക്കുന്നുവെന്നും ഞാൻ കാണുന്നു. നന്ദി. നിങ്ങൾക്ക് മാത്രമല്ല, ജർമ്മനിയിലെ സഭയും ഒരു പ്രതിസന്ധിഘട്ടത്തിലൂടെ കടന്ന് പോകുകയാണെന്ന് നിങ്ങൾ എന്നോട് പറയുന്നു. ദുരുപയോഗങ്ങൾ കാരണം സഭ മുഴുവൻ പ്രതിസന്ധിയിലാണ്. അതിലുപരിയായി ഈ പ്രതിസന്ധി അംഗീകരിക്കാതെ സഭയ്ക്ക് ഇപ്പോൾ ഒരു പടി മുമ്പോട്ട് പോകാൻ കഴിയുകയില്ല. ഒട്ടകപ്പക്ഷിനയം ഒട്ടും സഹായിക്കുന്നില്ല. നമ്മളുടെ ഈസ്റ്റർ വിശ്വാസങ്ങളെ അടിസ്ഥാനമാക്കി പ്രതിസന്ധി അംഗീകരിക്കണം. സാമൂഹ്യശാസ്ത്രവും മനഃശാസ്ത്രവും ഇവിടെ സഹായിക്കുന്നില്ല. ഒരു വ്യക്തിയെന്ന നിലയിലും സമൂഹമെന്ന നിലയിലും പ്രതിസന്ധി സ്വീകരിക്കുക എന്നതാണ് ഫലപ്രദമായ മാർഗ്ഗം., നിങ്ങൾക്ക് സമൂഹത്തിലെ പ്രതിസന്ധിയിൽനിന്നും കരകയറാൻ മാത്രമേ കഴിയൂ. മാത്രമല്ല, നിങ്ങൾ പ്രതിസന്ധിയിൽ നിന്ന് ഒരു മികച്ച, അഥവാ മോശമായ വ്യക്തിയെന്നനിലയിൽ പുറത്തുവരുന്നുവെന്നും എന്നാൽ മാറ്റം ഇല്ലെന്നും നമ്മൾ മനസ്സിലാക്കേണ്ടതുണ്ട്. കഴിഞ്ഞ വർഷം മുതൽ നിങ്ങൾ ഇക്കാര്യം ചിന്തിക്കുകയാണെന്ന് നിങ്ങൾ എന്നോട് പറയുന്നു. നിങ്ങൾ ദൈവഹിതം തേടാൻ പുറപ്പെട്ടു. എന്തായാലും അത് സ്വീകരിക്കാൻ നിങ്ങൾ തീരുമാനിച്ചു.
നമ്മൾ ഒരു ദുരന്തത്തെ അഭിമുഖീകരിക്കുന്നുവെന്ന് ഞാൻ നിങ്ങളോട് സമ്മതിക്കുന്നു. ലൈംഗിക ചൂഷണത്തിന്റെ ദുഃഖകരമായ ചരിത്രവും അടുത്തകാലം വരെ സഭ അത് കൈകാര്യം ചെയ്ത രീതിയും. ഒരാളുടെ വിശ്വാസം ജീവിക്കുന്നതിലെ കാപട്യത്തെപ്പറ്റി ബോധവാന്മാരാകുന്നത് ഒരു കൃപയുടെ ആദ്യപടിയാണ്. വ്യക്തിപരമായും നമ്മൾ ഒരു സമൂഹമാണെന്ന നിലയിലും ചരിത്രത്തിന്റെ ഉത്തരവാദിത്തം നാം ഏറ്റെടുക്കണം. കുറ്റകൃത്യങ്ങളെ അഭിമുഖീകരിക്കുമ്പോൾ നമുക്ക് നിസ്സംഗത പാലിക്കാൻ കഴിയില്ല. ഇത് അംഗീകരിക്കുകയെന്നാൽ പ്രതിസന്ധികളിലേയ്ക് നിങ്ങളെ നയിക്കുകയാണ്‌. ഇത് എല്ലാവരും ഈ വസ്തുത അംഗീകരിക്കാൻ ആഗ്രഹിക്കുന്നില്ല. പക്ഷെ, ഇത് ഒരേയൊരു മാർഗ്ഗമാണ്. കാരണം, മാംസം"ഗ്രില്ലിൽ"വയ്ക്കാതെങ്ങനെ? എന്നതുപോലെ ജീവിതം മാറ്റാൻ "തീരുമാനങ്ങൾ"എടുക്കുന്നത് പ്രത്യേകം ഒന്നിനും ഇടയാക്കുകയില്ല. വ്യക്തി പരവും സാമൂഹികവും ചരിത്രപരവുമായ യാഥാർത്ഥ്യം ദൃശ്യമാണ്. ആശയങ്ങളുടെ സഹായത്തോടെ മാത്രം പോരാ, കാരണം, ആശയങ്ങളിലൂടെ ശരിയായി ചർച്ചകൾ ചെയ്യുന്നു. എന്നാൽ യാഥാർത്ഥ്യം എല്ലായ്പ്പോഴും അംഗീകരിക്കപ്പെടേണ്ടതും അതിന് വ്യതിരിക്തത ആവശ്യവുമാണ്.
ചരിത്രസംഭവങ്ങൾ ഓരോന്നും അവ സംഭവിച്ച കാലങ്ങളിലെ ഹെർമെന്യൂട്ടിക്‌സ് ഉപയോഗിച്ച് വിലയിരുത്തേണ്ടതുണ്ട് എന്നത് ശരിയാണ്. പക്ഷെ അത് ഏറ്റെടുക്കാനുള്ള ഉത്തരവാദിത്തചുമതലയിൽനിന്ന് നമ്മളെ മോചിപ്പിക്കുന്നില്ല. ഈ സംഭവങ്ങളെ നമ്മെ ബാധിക്കുന്ന പാപത്തിന്റെ കഥയായി അംഗീകരിക്കുക. അതിനാൽ സഭയിലെ ഓരോ ബിഷപ്പും അത് അംഗീകരിക്കുകയും പരസ്പരം ചോദിക്കുകയും ചെയ്യണമെന്ന് ഞാൻ വിശ്വസിക്കുന്നു. ഈ ദുരന്തത്തെ നേരിടാൻ ഞാൻ എന്ത് ചെയ്യണം? മുൻകാലങ്ങളിലെ നിരവധി തെറ്റുകൾ കണക്കിലെടുത്തു ഈ ചരിത്രഘട്ടത്തിൽ നമ്മൾ വ്യക്തിപരമായി ഇടപെട്ടില്ലെങ്കിൽപ്പോലും ഒന്നിലധികം സാഹചര്യങ്ങളിൽ നമ്മൾ ഇതിനകം പലതവണ "മിയ കുൽപ" ഉച്ചരിച്ചു. കൃത്യമായി പറഞ്ഞാൽ ഈ സ്വഭാവമാണ് നമ്മൾക്ക് ആവശ്യം എന്നതിനാൽ ഒരു പരിഷ്‌ക്കരണം ആവശ്യമാണ്. ഈ സാഹചര്യത്തിൽ വാക്കുകളാൽ നടക്കുകയില്ല. എന്നാൽ പ്രതിസന്ധി നേരിടാൻ ധൈര്യമുള്ള പെരുമാറ്റങ്ങളിൽ അത് നയിക്കുന്നിടത്തെല്ലാം യാഥാർത്ഥ്യങ്ങളെ അംഗീകരിക്കുക. ഒപ്പം പരിഷ്‌കാരങ്ങൾ സ്വയം സഭയിൽ ആരംഭിക്കുകയും ചെയ്യണം. സ്ത്രീകളും പുരുഷന്മാരും പ്രതിസന്ധി പ്രതിസന്ധി അഭിമുഖീകരിക്കാൻ ഭയപ്പെടേണ്ടതില്ല. തങ്ങളെത്തന്നെ കർത്താവ് പരിഷ്‌ക്കരിക്കട്ടെ. അതാണ് ഏക മാർഗ്ഗം. അല്ലാത്തപക്ഷം നാം നമ്മുടെ സ്വന്തം ശരീരം വിട്ടുവീഴ്ച്ച ചെയ്യാതെ "പരിഷ്‌കരണത്തിന്റെ പ്രത്യയശാസ്ത്രജ്ഞർ"ആയിരിക്കും ഫലം.
കർത്താവ് ഒരിക്കലും ഒരു നവീകരണത്തിൽ ഏർപ്പെട്ടിട്ടില്ല. (ഈ സൂത്രവാക്യത്തിന് ഞാൻ അനുവാദം ചോദിക്കുന്നു ). പരീശന്മാരോ സദൂക്യരോ തീക്ഷ്ണതയോ, അഥവാ എസ്തനികളോ അല്ല. യേശു അത് തന്റെ ജീവിതത്തോടും ഒരു കഥയോടും ജീവനോടും കൂടി കുരിശ് കൊണ്ടുവന്നു. അതാണ് പ്രിയ സഹോദരാ, ഔദ്യോഗിക സ്ഥാനത്തു നിന്ന് നിങ്ങളുടെ രാജി വാഗ്ദാനം ചെയ്‌ത്‌ നിങ്ങൾ സ്വീകരിക്കുന്ന പാത. പക്ഷെ ഭൂതകാലത്തെ സംസ്കരിക്കുന്നത് നമ്മളെ സഹായിക്കുന്നതല്ലെന്നു നിങ്ങളുടെ കത്തിൽ പറയുന്നത് ശരിയാണ്. നിശബ്ദത, ഒഴിവാക്കലുകൾ, സ്ഥാപനങ്ങളുടെ അന്തസ് നൽകുന്നതായ അതിശയോക്തി, ഇവയെല്ലാം വ്യക്തിപരവും ചരിത്രപരവുമായ വീഴ്ചയിലേയ്ക്ക് ആണ് നയിക്കുന്നത്. അതായത്, ക്ളോസറ്റിൽ അസ്ഥികൂടങ്ങൾ ഉണ്ട് എന്ന് പറയുന്നതുപോലെ അത് നമ്മെയും നയിക്കുന്നു.
നിങ്ങൾ കത്ത് അവസാനിപ്പിക്കുന്ന രീതി എനിക്ക് ഇഷ്ടമാണ്. കത്തോലിക്കാ സഭയുടെ പുരോഹിതനും ബിഷപ്പുമായതിൽ ഞാനിപ്പോഴും സന്തുഷ്ടനാണ്. മാത്രമല്ല, ഉപയോഗ പ്രദവും നല്ലതുമാണെന്ന് നിങ്ങൾ കരുതുന്നിടത്തെല്ലാം ഇടയലേഖനത്തിൽ തുടരാം. എന്റെ സേവനത്തിന്റെ അടുത്ത കുറച്ചു വർഷങ്ങൾ ഇടയസംരക്ഷണത്തിനായി കൂടുതൽ സമർപ്പിക്കാനും സഭയുടെ ആത്മീയനവീകരണത്തിനായി പ്രവർത്തിക്കാൻ ഞാൻ ആഗ്രഹിക്കുകയും ചെയ്യുന്നു. കാരണമിതാണ്, നിങ്ങൾ ഞങ്ങളെ അശ്രാന്തമായി അതിനു പ്രേരിപ്പിക്കുന്നു. പ്രിയ സഹോദരാ, അതാണെന്റെ ഉത്തരം. നിങ്ങൾ കത്തിൽ നിർദ്ദേശിച്ചതുപോലെ തുടരുക, മ്യൂണിക്കിലെയും ഫ്രയ്‌സിംഗിലെയും ആർച്ചുബിഷപ്പ് ആയി തുടരുക. റോമിലെ ബിഷപ്പ് ( നിങ്ങളെ സ്നേഹിക്കുന്ന നിങ്ങളുടെ സഹോദരൻ ) നിങ്ങളുടെ ദൗത്യം സ്ഥിരീകരിച്ചു, നിങ്ങളുടെ രാജി സ്വീകരിക്കാതെ, നിങ്ങളെ മനസ്സി ലാക്കുന്നില്ലെന്നു ചിന്തിക്കാൻ നിങ്ങൾ പ്രലോഭിതനാണെങ്കിൽ, പത്രോസ് കർത്താവിന് വാഗ്ദാനം ചെയ്തപ്പോൾ അവന്റെ മുഖത്ത് കേട്ട കാര്യങ്ങളെക്കുറിച്ചു ചിന്തിക്കുക. പാപി ആയതിനാൽ എന്നിൽനിന്ന് ഒഴിഞ്ഞുമാറുക എന്നാണ് രാജിക്കത്തിൽ എഴുതിയത്.
പ്രതിസന്ധി അംഗീകരിക്കാതിരിക്കാനും സംഘർഷത്തിലേക്ക് തിരിയാനുമുള്ള ഒരു അപകടം ഉണ്ട്. ഇത് നടപടികളെ തടസ്സപ്പെടുത്തുകയും തടയുകയും ചെയ്യും. കാരണം, പ്രതിസന്ധിയിൽ പ്രത്യാശയുടെ അണുക്കളുണ്ട്. സംഘട്ടനത്തിൽ നിരാശയുടെയും അണുക്കൾ ഉണ്ട്. പ്രതിസന്ധി നമ്മിൽ ഉൾപ്പെടുന്നു. മറുവശത്ത് സംഘർഷം നമ്മളെ തടവുകാരനാക്കുകയും പീലാത്തോസിന്റെ അപകർഷതാ മനോഭാവത്തിലേയ്ക്ക് നയിക്കുകയും ചെയ്യുന്നു. "ഈ വ്യക്തിയുടെ രക്തത്തിൽ ഞാൻ നിരപരാധിയാണ്". ഈ മനോഭാവം ഇതിനകം തന്നെ നമ്മൾക്ക് വളരെയധികം നാശമുണ്ടാക്കുകയും അത് എന്നും തുടരുകയും ചെയ്യും. //
സഹോദരവാത്സല്യത്തോടെ- ഫ്രാൻസിസ്.
സീറോ മലബാർ സഭയുടെ പുതിയ സിദ്ധാന്തം
**കർദ്ദിനാൾ റൈൻഹാർഡ് മാർക്സ് ഫറാസിസ് മാർപാപ്പയ്ക്ക് നൽകിയ രാജിക്കത്തിന് മറുപടിയായി.ഫറാസിസ് മാർപാപ്പ കർദ്ദിനാൾ മാർക്സിനു നൽകിയ മറുപടിയാണ് മേൽ രേഖപ്പെടുത്തിയത്. ഇന്ന് കേരളത്തിൽ സീറോമലബാർസഭയിലെ അല്മായ- പുരോഹിത നേതൃത്വ സംഘർഷം നടക്കുന്ന ഈ കാലഘട്ടത്തിൽ കേരളത്തിലെ എല്ലാ ക്രിസ്തീയസഭ വിശ്വാസികൾക്കും സഭാനേതൃത്വങ്ങൾക്കും മാർപാപ്പയുടെ ഉപദേശം മാതൃകാപാഠം ആകുമെന്ന് കരുതാം. "സീറോമലബാർ സഭ റോമൻ സഭയല്ലാ" എന്ന പുതിയസിദ്ധാന്തം ഉൾക്കൊണ്ടസ്ഥിതിക്ക് സഭാധികാരികളുടെയും സഭാംഗങ്ങളുടെയും ഭാവി കാര്യങ്ങൾ എങ്ങനെ ആകും എന്ന ചോദ്യം അവശേഷിക്കുന്നുണ്ട്. സഭയിലെ നിരവധി പരിഹാരം കാണാത്ത പ്രശ്നങ്ങൾ മാർപാപ്പയ്ക്കും വിഷയമായിരിക്കുന്നു. ഇതേ സമയത്തുതന്നെ ജർമ്മനിയിലെ സഭാപ്രശ്നങ്ങൾ മറുപടിയില്ലാത്ത കഥയായി മാറിക്കൊണ്ടിരിക്കുന്നു.**
അതുപക്ഷേ കർദ്ദിനാൾ മാർക്സിന്റെ രാജിക്കത്തു നിരസിച്ചുവെങ്കിലും കൊളോണിലെ പ്രശ്നങ്ങൾ നീറിക്കൊണ്ടിരിക്കുകയാണെന്നാണ് മാദ്ധ്യമങ്ങളിൽ റിപ്പോർട്ട് ചെയ്യുന്നത്. കൊളോണിൽ അല്മായ സമൂഹത്തിന്റെ ശക്തമായ പ്രതിഷേധം വർദ്ധിക്കുകയാണ്. കൊളോൺ കർദ്ദിനാൾ വോയ്‌ൽക്കിയുടെ പ്രതികരണം സഭാംഗങ്ങളിൽ വളരെവലിയ പൊട്ടിത്തെറിക്കൽ ഉണ്ടായി. റിപ്പോർട്ട് ഇപ്രകാരമാണ്."
 | |
| Kardinal Woelki |
Kardinal Woelki: Langsam sind die Gläubigen mit ihrem Latein am Ende
Katholiken laufen Sturm gegen Kölner Erzbischof Woelki
»Als Führungskraft ist der Kardinal eine Nullnummer«
മുകളിൽ കുറിച്ച വാർത്തയുടെ മലയാള ഉള്ളടക്കം താഴെ ചേർക്കുന്നു.
"കൊളോൺ ആർച്ച് ബിഷപ്പ് വോൾകിക്കെതിരെ കത്തോലിക്കർ കൊടുങ്കാറ്റ് വീശുന്നു "ഒരു മാനേജർ എന്ന നിലയിൽ, കർദ്ദിനാൾ ഒരു പൂജ്യ സംഖ്യയാണ്".“യാഥാർത്ഥ്യ നിഷേധം” ബാധിച്ച അദ്ദേഹം (“ഫ്യൂറർബങ്കറിൽ” ) രക്ഷപെടാനുള്ള ദുർഗ്ഗത്തിൽ ഇരിക്കുകയായിരുന്നു: ദുരുപയോഗ ആരോപണത്തിൽ, അദ്ദേഹത്തിന്റെ എക്സിക്യൂട്ടീവുകളിൽ പലരും കർദ്ദിനാൾ വോൾകിക്കെതിരെ പ്രതിഷേധിച്ചു. മാർപ്പാപ്പയിൽ നിന്ന് ഒരു ശക്തിയുടെ വാക്ക് അവർ പ്രതീക്ഷിക്കുന്നു."Felix Bohr-
09.07.2021,13.00 Uhr *Spiegel online 28/2021. അതിരൂപതയിലെ ദുരുപയോഗങ്ങളുടെ വിഷയത്തിൽ കർദ്ദിനാൾ മാർക്സിന്റെ നിലപാടിൽ രാജിക്കത്ത്
ഫ്രാൻസിസ് മാർപാപ്പ നിരസിച്ചുവെങ്കിലും അദ്ദേഹത്തിൻറെ ഇപ്പോഴുമുള്ള നിലപാടിനെപ്പറ്റി അദ്ദേഹം
ഇപ്രകാരം പറയുന്നു. |
| kardinal Marks |
മ്യൂണിക്കിലെയും ഫ്രെയ്‌സിംഗിലെയും ആർച്ചുബിഷപ്പ് കർദ്ദിനാൾ റെയിൻ ഹാർഡ്‌ മാർക്സ് ഗാർഷിംഗ്‌ ഇടവക സന്ദർശനം നടത്തിയപ്പോൾ ആ സമൂഹ ത്തിൽ ദുരുപയോഗം ചെയ്യപ്പെട്ട കേസുകളിൽ ക്ഷമ ചോദിക്കുകയും തെറ്റുക ൾ സമ്മതിക്കുകയും ചെയ്തു. അദ്ദേഹം പറയുന്നു" നമുക്കറിയാം, ദുരുപയോ ഗം നടന്നിട്ടുണ്ടെന്നും ഇവിടെ ജോലി ചെയ്തിരുന്ന വൈദികൻ ദുരുപയോഗ ക്കാരനായിരുന്നെന്നും ഇടവകപ്പള്ളി പ്രതിനിധിക ളുമായുള്ള സംയുക്ത പ്രാർത്ഥനയ്ക്കും ചർച്ചകൾക്കുംശേഷം പറഞ്ഞു." ഇത് യേശുവിന്റെ സന്ദേശത്തെ ഒറ്റിക്കൊടുക്കുന്നതാണ്. ഇത് ഞാനും ഉൾപ്പെട്ട സ്ഥാപനത്തി ന്റെ പരാജയം ആണ്.അതിനു ഞാൻ ക്ഷമ ചോദിക്കുന്നു.
********************************************************************************************************************************** Browse and share: https://dhruwadeepti.blogspot.com
ഈ ബ്ളോഗില്‍ പ്രസിദ്ധീകരിക്കുന്ന അഭിപ്രായങ്ങളുടെ ഉത്തരവാദിത്തം അതെഴുതുന്ന വ്യക്തികള്‍ക്കു മാത്രമായിരിക്കും. സഭ്യമല്ലാത്ത ഭാഷയും അപകീര്‍ത്തിപ്പെടുത്തുന്ന പദപ്രയോഗങ്ങളും ഒഴിവാക്കുക-
Keine Kommentare:
Kommentar veröffentlichen
Hinweis: Nur ein Mitglied dieses Blogs kann Kommentare posten.